एसआयपी चा हप्ता चुकला तर

एसआयपी साठी खात्यात शिल्लक नसल्यास तुमचा एसआयपी चा हप्ता चुकेल ज्यामुळे तुम्हाला बँकेकडून दंड आकारण्यात येईल.

एक एसआयपी चुकल्यास तुमच्या गुंतवणुकीवर फारसा फरक पडत नाही. मात्र वारंवार एसआयपी चे हप्ते चुकले तर गुंतवणुकीवर थोडाथोडा परिणाम दिसायला लागतो किंवा सलग तीन हप्ते चुकले तर तुमचं एसआयपी चं खातं बंद होतं.

तुम्ही तुमचा चुकलेला एसआयपी चा हप्ता ऑनलाईन पद्धतीने संबंधित म्युच्युअल फंड कंपनीच्या अँप किंवा वेबसाईट वरून भरू शकता किंवा ऑफलाईन पद्धतीने म्हणजे संबंधित म्युच्युअल फंड कंपनीच्या शाखेत जाऊन भरू शकता.

जास्तीत जास्त दोन एसआयपी वगळले जाऊ शकतात कारण सलग तिसरा हप्ता चुकल्यास तुमचं एसआयपी खातं बंद करण्यात येतं.  

एसआयपी साप्ताहिक किंवा मासिक दोन्ही चांगल्या आहेत. साप्ताहिक किंवा मासिक या फरकाने फारसा फरक पडत नाही.

एसआयपी साठी सामान्यपणे १ ते १० ही तारीख बहुतेक गुंतवणूकदार निवडतात कारण या काळात त्यांचा पगार होतो आणि इतर देणी सुद्धा द्यायची असतात. त्यामुळे १० तारखेनंतर पैसे संपून जाण्याची शक्यता असते. मात्र, तुमचा असा प्रश्न येत नसेल तर एसआयपी साठी महिन्यातील कुठलीही तारीख तुम्ही निवडू शकता. त्याचा तुमच्या परताव्यावर काहीही परिणाम होत नाही.