Changes in PPF Scheme Extension Rules - मंडळी, काही दिवसांपूर्वी टपाल खात्याकडून पोस्टाच्या काही योजनांच्या नियमांमध्ये बदल करण्यात आले. त्यामध्ये पोस्टाच्या पीपीएफ योजनेच्या नियमांमध्ये सुद्धा काही बदल करण्यात आले. हे बदल प्रामुख्याने मुदत पूर्ण होण्यापूर्वी खातं बंद केलं तर लागू होणार आहेत.
आज आपण बघणार आहोत पोस्टाच्या पीपीएफ योजनेमध्ये नेमके काय काय बदल करण्यात आले आहेत.
मंडळी, आत्ताच आपण बघितलं कि पीपीएफ योजनेतले हे बदल मुदत पूर्व खातं बंद केलं तर लागू होणाऱ्या नियमांमध्ये (Changes in PPF Scheme Extension Rules) झाले आहेत. हे बदल काय आहेत हे समजून घेण्यासाठी आधी आपण पोस्टाच्या पीपीएफ योजनेत मुदत पूर्व खातं बंद केलं तर काय नियम आहेत हे बघणार आहोत आणि ते बघतानाच झालेले बदल समजून घेणार आहोत.
आता आपण बघूया पब्लिक प्रॉव्हिडंट फंड किंवा पीपीएफ योजनेच्या नियमांमध्ये झालेले बदल.
पीपीएफ योजनेच्या मुदतवाढीच्या नियमांमध्ये बदल (Changes in PPF Scheme Extension Rules)
पीपीएफ योजनेत मुदतपूर्व खातं फक्त तीन कारणासाठी बंद करता येतं.
- जर पीपीएफ योजनेच्या खातेदाराला किंवा खातेदाराचा जोडीदार म्हणजे पती/पत्नीला किंवा खातेदाराच्या मुलांना काही असाध्य रोग किंवा व्याधी जडली तर त्याच्या उपचारासाठी आवश्यक पैशाची सोय म्हणून खातं मुदतीपूर्वी बंद करता येतं. मात्र त्यासाठी आवश्यक कागदपत्र किंवा बिलं सादर करावी लागतात.
- खातेदार किंवा त्याच्या मुलांच्या उच्च शिक्षणासाठी आवश्यक पैशाची व्यवस्था म्हणून खातं मुदत पूर्ण होण्याआधी बंद करता येतं. मात्र, याबाबतीत खातेदाराला संबंधित कागदपत्र म्हणजे फी भरल्याची पावती, प्रवेश घेतल्याची पावती सादर करणं आवश्यक असेल. तसंच, संबंधित शिक्षणासाठी प्रवेश भारतातील किंवा परदेशातील एखाद्या मान्यताप्राप्त शिक्षण संस्थेत घेतलेली असावा.
- जर खातेदार परदेशात राहायला गेला म्हणजे आनिवासी भारतीय झाल्यास खात मुदत पूर्ण होण्याआधी बंद करता येईल. मात्र त्यासाठी खातेदाराला पुरावा म्हणून पासपोर्ट, व्हिसा तसंच आयकर विवरण पत्र म्हणजे इनकम टॅक्स रिटर्न सादर करावा लागेल.
तर मंडळी, जर खातेदाराने या तीन कारणांसाठी खातं मुदत पूर्ण होण्याआधी बंद केलं तर त्याचा व्याजदरावर काय फरक पडेल यासंबंधी हा नवीन बदल (Changes in PPF Scheme Extension Rules) करण्यात आला आहे.
- सर्वप्रथम पीपीएफ योजनेत खातं सुरु करून ५ वर्ष पूर्ण झाल्यावरच खात मुदतीपूर्वी बंद करता येत. त्याआधी बंद करता येत नाही.
-
जर खातं ५ वर्ष पूर्ण झाल्यावर पण मुदत पूर्ण होण्याआधी बंद केलं तर खात्यातील व्याज एक टक्का कमी दराने मिळेल.
उदाहरणार्थ,
जर खातं ९ व्या वर्षी बंद केलं आणि खात्याचा व्याजदर ७% असेल तर खातं बंद केल्यावर मिळणार व्याजदर ६% असेल. मात्र, पीपीएफ खात्याचा व्याजदर वेळोवेळी बदलतो. त्यामुळे त्या त्या वेळी जो व्याजदर असेल त्यापेक्षा १% व्याजदर कमी मिळेल. -
त्यानंतर पीपीएफ योजनेत खात्याची मुदतवाढ घेतली तर ती ५ वर्षांची मिळते. अशी मुदत वाढ घेतल्यावर ५ वर्षांच्या आधी खात बंद केलं तर नियमित व्याजदरापेक्षा १% कमी दराने व्याजदर लागू होईल. तसेच दुसऱ्यांदा ५ वर्षांची मुदतवाढ घेतली तर आणि खातं ५ वर्ष पूर्ण होण्याआधी बंद केलं तर पहिली मुदतवाढ घेतल्याच्या तारखेपासून खातं बंद करण्याच्या तारखेपर्यंत नियमित व्याजापेक्षा १% कमी दराने व्याजदर मिळेल. हा जुना नियम होता.
मात्र आता नवीन नियमाप्रमाणे जर दुसऱ्यांदा मुदत वाढ घेतली आणि ती वाढीव मुदत पूर्ण होण्याआधी खात बंद केलं तर फक्त तेवढ्याच मुदतवाढीच्या कालावधीसाठी १% कमी दराने व्याज मिळेल.
थोडक्यात, जुन्या नियमाप्रमाणे वाढीव मुदतीत मुदत पूर्ण होण्याआधी खातं बंद केलं तर पहिली मुदतवाढ घेतल्याच्या तारखेपासून खातं बंद केल्याच्या तारखेपर्यंत व्याजदर १% कमी दराने लागू होत होता. मात्र नवीन नियमाप्रमाणे संबंधित मुदतवाढ घेतल्याच्या तारखेपासून खातं बंद केल्याच्या तारखेपर्यंत व्याजदर १% कमी दराने लागू होईल.
हे आपण एका उदाहरणाद्वारे समजून घेऊ. त्यासाठी आपण जुना आणि नवा नियम यांची तुलना करू.
खातेदाराने पहिली १५ वर्ष पूर्ण झाल्यावर पहिली ५ वर्षांची मुदतवाढ घेतली. मात्र खातं मुदतवाढीनंतर ३ वर्षांनी बंद केलं तर त्याला मुदतवाढीच्या ३ वर्षांसाठी त्याला १% व्याजदर कमी मिळेल. म्हणजे योजनेचा व्याजदर ७% असेल तर तो ६% मिळेल. इथं नियमात बदल झालेला नाही.
खरा बदल आहे तो २ ऱ्या मुदतवाढीपासून. समजा खातेदाराने मुदतवाढीची पहिली ५ वर्ष पूर्ण करून दुसरी मुदतवाढ घेतली पण खात त्या २ ऱ्या मुदतवाढीच्या २ वर्षांनंतर बंद केलं तर खातेदाराला जुन्या नियमाप्रमाणे पहिल्या आणि दुसऱ्या दोन्ही मुदतवाढीच्या कालावधीसाठी १% कमी व्याजदर मिळाला असता.
मात्र आता नवीन नियमाप्रमाणे जर दुसऱ्या मुदतवाढीपासून पुढे कधीही मुदत पूर्ण होण्याआधी खातं बंद केलं तर फक्त तेवढ्याच मुदतवाढीचा कालावधीसाठी १% कमी व्याजदर लागू होईल.
तर मंडळी, हा होता पीपीएफ योजनेसंदर्भात झालेला नवीन बदल (Changes in PPF Scheme Extension Rules).
तर मंडळी हे होते पीपीएफ खातं मुदत पूर्ण होण्याआधी बंद केल्यास त्यावर लागू होणाऱ्या नियमांमध्ये झालेले बदल (Changes in PPF Scheme Extension Rules). आपल्याला ही माहिती योग्य वाटली असेल तर कृपया आपल्या मित्रमंडळींबरोबर नक्की शेअर करा म्हणजे त्यांनाही याची माहिती होईल धन्यवाद.
