मंडळी, ATM मध्ये जाऊन पैसे काढणे हा प्रकार आपल्याला नवीन नाही. पण त्यासाठी आपल्याला ATM कार्डची गरज लागते. पण आज आपण बघणार आहोत ATM कार्ड न वापरता म्हणजे Cardless ATM पद्धतीने पैसे कसे काढायचे.
Table of Contents
Cardless ATM म्हणजे काय?
कार्डलेस एटीएम हे एक असं मशीन आहे जिथे तुम्ही एटीएम कार्ड न वापरता पैसे काढू शकता. या तंत्रज्ञानामुळे, एटीएममधील तुमचा अनुभव अधिक सुरक्षित आणि जलद होऊ शकतो.
आपण अनेकदा ATM मशीनच्या स्क्रीनवर कार्डलेस मनी विथड्रॉवल असा एक पर्याय बघतो. बऱ्याच जणांना हा पर्याय कशासाठी आहे हेच माहिती नसतं. कार्डलेस एटीएम म्हणजे असं ATM मशीन जिथं आपण डेबिट कार्ड किंवा ATM कार्ड शिवाय पैसे काढू शकतो. थोडक्यात, ATM मशीन मधून पैसे काढण्यासाठी कुठल्याही प्रकारचं कार्ड जवळ ठेवायची गरज नाही.
Cardless ATM मधून पैसे कसे काढायचे? (How to Use Cardless ATM)
Cardless ATM मधून पैसे काढण्यासाठी आधी तुम्हाला अशा प्रकारची ATM शोधावी लागतील. त्यासाठी
- तुम्हाला तुमच्या मोबाईल मध्ये google application वर Cardless ATM Locations किंवा UPI ATM near me असं शोधावं लागेल. त्यानंतर स्क्रीनवर ATM सेंटरची लिस्ट दिसेल जिथे Cardless ATM ही सुविधा असेल.
- त्यातल्या एखाद्या ATM सेंटर वर जाऊन ATM मशीनवरील QR Code किंवा UPI Cardless Cash किंवा अशाच प्रकारचं बटन दिसेल. ते बटन प्रेस करायचं.
- पुढच्या स्क्रीनवर काही ठराविक रकमांचे पर्याय जसं १००, ५००, २००० इत्यादी ज्यामध्ये तुम्हाला अपेक्षित रकमेचा एकदा निवडावा लागेल.
- मग पुढच्या स्क्रीनवर QR Code येईल तो तुमच्याकडे उपलब्ध असलेल्या UPI अँप्लिकेशन (cardless atm app) वापरून स्कॅन करावा लागेल. उदाहरणार्थ, भीम अँप, गूगल पे इत्यादी.
- QR Code स्कॅन झाल्यावर पुढच्या स्क्रीनवर तुम्ही निवडलेली रक्कम, तुमचं नाव अशी माहिती दिसेल आणि ही माहिती बरोबर आहे हे सांगण्यासाठी कन्फर्म किंवा सबमिट असं बटन असेल ते बटन प्रेस करायचं.
- त्यानंतर, UPI पिन क्रमांक टाकावा लागेल आणि तो टाकला कि काही सेकंड वाट बघावी लागेल आणि मग ATM मशीन मधून पैसे मिळतील.
तर ही होती Cardless ATM मधून पैसे काढण्याची प्रक्रिया.
हा लेख सुद्धा नक्की वाचा: क्रेडिट कार्डवरून बँक खात्यात पैसे कसे ट्रान्सफर करायचे?
Cardless ATM चे फायदे
- डेबिट किंवा ATM कार्ड न वापरता पैसे काढता येतात. त्यामुळे ही कार्ड वापरण्याचे सगळे धोके संपुष्टात येतात. त्यामुळे सुरक्षितता वाढते.
- दरवेळी कार्ड बरोबर ठेवावं लागत नाही किंबहुना डेबिट किंवा ATM कार्डची गरजच लागत नाही. याचा फायदा प्रवासात जास्त होतो कारण अशावेळी कार्ड विसरण्याची शक्यता जास्त असते.
- अनेकदा कार्ड स्कॅन होत नाही, कार्डची मुदत संपते, कार्ड खराब होत, कार्ड चोरीला जातं. पण Cardless ATM व्यवहारांमुळे या सगळ्या गोष्टी संपुष्टात येतात.
Cardless ATM चे तोटे
- काही छोट्या बँकांमध्ये ही सुविधा नसते. त्यामुळे तुमचं खात अशा बँकेत असेल तर तुम्हाला ही सुविधा मिळत नाही.
- ही सुविधा वापरण्यासाठी तुमच्या फोन मध्ये कॅमेरा, UPI एप्लिकेशन असावं लागतं तसंच फोन अप टू डेट असावा लागतो.
- ही सुविधा वापरणारी व्यक्ती त्यादृष्टीने सक्षम हवी थोडक्यात त्या व्यक्तीला ही सुविधा वापरता यायला हवी.
- तुमचा फोन चुकीच्या व्यक्तीच्या हातात गेला किंवा चोरीला गेला तर धोका संभवतो कारण ती व्यक्ती ही सुविधा वापरून तुमच्या बँक खात्यातून सगळे पैसे काढून घेऊ शकते. त्यामुळे असं काही घडल्यास तात्काळ बँकेत कळवा म्हणजे पुढचा धोका टळेल.
- फोन अचानक बंद पडल्यास किंवा बॅटरी संपल्यास अडचण निर्माण होऊ शकते.
Cardless ATM साठी Transaction Limit
- तुम्ही प्रत्येक वेळी जास्तीत जास्त १० हजार रुपये काढू शकता.
- तुम्ही १०० रुपयांच्या पटीत रक्कम काढू शकता.
- तुम्ही किती UPI-ATM व्यवहार करू शकता हे तुमच्या बँकेवर अवलंबून असते. ही मर्यादा ओलांडल्यास, ATM स्क्रीन त्वरित तसा संदेश दाखवेल.
Cardless ATM तुमच्यासाठी योग्य आहे का?
नक्कीच योग्य आहे. तुम्हाला घराबाहेर जाताना शक्य तितके कमी पैसे घेऊन जाणे आवडत असल्यास किंवा तुम्ही रोख रक्कम जास्त वापरत नसल्यास, कार्डलेस एटीएम तुमच्यासाठी योग्य आहे.
Cardless ATM वापरताना घ्यायची काळजी
ही सुविधा वापरताना QR Code फक्त ATM मशीनच्या स्क्रीनवरचाच वापरा. इतरत्र कुठे लावलेला म्हणजे भिंतीवर लावलेला, ATM सेंटरच्या दारावर लावलेला QR Code वापरू नका. कारण त्यामुळे तुमच्या बरोबर फ्रॉड होऊ शकतो कारण असे QRCode एखाद्या फ्रॉड व्यक्तीचे असतील तर पैसे मिळायच्या ऐवजी खात्यातून त्या व्यक्तीच्या खात्यात जातील.
तसंच, तुम्ही हा पर्याय वापरण्याचे ठरविल्यास, तुम्ही तुमच्या फोनच्या लॉक स्क्रीनवर, मोबाइल वॉलेटवर आणि बँक Apps वर नीट सुरक्षा उपाय लागू केल्याची खात्री करा.
तर मंडळी ही होती Cardless ATM विषयी माहिती. ही माहिती तुम्हाला आवडली असेल तर तुमच्या मित्रमंडळींबरोबर नक्की शेअर करा. म्हणजे त्यांनाही याचा उपयोग होईल. धन्यवाद.
